التسويق مش هو الاعلان

التسويق مش هو الاعلان

2021-02-18 16:41:16
التسويق مش هو الاعلان

التسويق مش هو الاعلان 
ناس كتير  فاهمة التسويق إنه  هو الاعلان بما فيهم العملاء نفسهم.

ودي للأسف حقيقة مغلوطة لإنه الاعلان جزء من التسويق 

لان في حاجة إسمها المزيج التسويق (Ps4)..

ودي 4 عناصر أساسية هتعرفكم يعني إيه تسويق في أكتر من  4 ولكن الأساس  

4 عناصر هما  

Product (المنتج او الخدمة)

Price (السعر)

Place (المكان)

Promotion (الترويج او الاعلان)

 

هو التسويق عبارة عن خلطة أحد أجزاء مكوناتها الاعلان  ولازم كلنا كمعلنين أو أصحاب بيزنس نبقي فاهمين كده
 المنتج أو الخدمة 

لازم تحدد مواصفات منتجك وتحدد المنافع إللي هتعود منه علي عميلك

يعني متعملش منتج أو خدمة موجودة في السوق بنفس المواصفات وإلا يبقي مش هيكون فيه اي ميزة تنافسية تنافس بيها في السوق..

لازم منتجك أو خدمتك يتميز بحاجة مختلفة تفيد بيها عميلك (وركز في إنك تفيد بيها العميل أو بمعني أصح تحل مشكلة عند العميل  لإنه هو ده أهم حاجة.

 

 السعر 

 هيحدد الشريحة المستهدفة بتاعتك  يعني هيحدد نوعية العملاء  والسوق 

بس خلي بالك من تسعير منتجاتك أو خدماتك لازم يتماشي مع ثقافة وظروف عميلك.

 مينفعش تبيع منتج ب ١٠٠٠ ج في سوق شعبي مثلا ، أو العكس مينفعش تعرض نفس المنتج ب ٢٠٠ ج في سوق عملائه 

وطبعا هنا لازم نركز في الاعلان علي مناطق تواجد الشريحة بتاعتنا من (مناطق معينة ، كميوندات ، منطبقة شعبية ، منطقة متوسطة الحال.. الخ)
المكان 

لازم تعرف أماكن تواجد العملاء بتوعك  وحجم المنافسين في الاماكن دي  و نقاط القوة والضعف لدي منافسينك

وتحاول تريح عميلك بقدر الامكان بأنك تقرب من أماكن تواجده علي قد ما تقدر

وانك توصل لأماكن المنافس بتاعك ميقدرش يوصل فيها وبكده برضه هتخلص ميزة تنافسية تانية ليك وسط السوق

 الترويج أو الاعلان 

الاعلان هو إللي هيوصل كل إللي فات لعميلك وهيعرفه اد إيه منتجك هيفيده ويحل مشكلة عنده وأنه تسعير منتجك يتناسب مع ظروفه الاقتصادية وبيئته إللي عايش فيها 

عشان كده ممكن تعمل اعلان ممتاز بس المنتج ما ينجحش وده مش بسببك بل بسبب العناصر 3 إللي قبله..

او ممكن تكون 3 عناصر مظبوطين جدا وتيجي إنت توجه الاعلان لفئة غير صحيحة وبالتالي ماينجحش

تواصل معنا لتحصل علي العرض المناسب

أحصل العرض المناسب